"Нефтчи" устози Виталий Левченко "Пахтакор"га қарши баҳсдан сўнг фикр билдирди.
"Бир нима дейиш қийин. "Пахтакор"ни ғалаба билан табриклайман, улар ғалабага лойиқ эди. Рақиб бизни мағлуб этгани йўқ, биз ўзимиз ўйинни ютқазиб қўйдик, сабаби дастлабки голдан ташқари қолган барча учта гол ўзимизнинг хатоларимиз туфайли бўлди.
Тўпни йўқотиш ва нотўғри паслар. Рақиб тартибли ўйнади ва хатоларни кутди. Афсуски, биз кўп маротаба тўпларни йўқотдик ва рақиб ушбу йўқотишлардан унумли фойдаланди ва голлар урди. "Пахтакор"нинг бундай тартибли ўйинига тайёр эмас эдик", – деди мураббий.
