20 апрель куни АПЛнинг 33-турида "Ипсвич" ўз майдонида "Арсенал"ни қабул қилди. Учрашувда Артета шогирдлари 4:0 ҳисобида ғалаба қозонди.
"Канонирлар"нинг бугунги ўйиндаги иккинчи голига ҳужумчи Габриэль Мартинелли муаллифлик қилди. Бразилиялик футболчи учун бу гол муҳим воқеа бўлди - у "Арсенал" учун барча мусобақалардаги 50-голини киритди.
Squawka портали маълумотларига кўра, 23 ёшу 306 кун ичида Мартинелли "Арсенал" сафида 50 та гол урган энг ёш тўртинчи футболчига айланди (рекорд Премьер-лига ташкил этилганидан бери сақланиб келинмоқда). Авваллари бу кўрсаткичга фақат Тео Уолкотт (23 ёшу 235 кун), Сеск Фабрегас (23 ёшу 134 кун) ва Букайо Сака (22 ёшу 159 кун) эга бўлган.
