Бразилиялик собиқ ҳимоячи Кафу "Барселона" вингери Ламин Ямалнинг ўйини ҳақида қандай фикрда эканини айтди.

17 ёшида испаниялик футболчи клуб ва миллий терма жамоада муҳим роль ўйнайди, бунинг учун у мунтазам равишда амалдаги ва собиқ футбол юлдузларидан мақтовлар олади.

"Ямал билан ўйинда қандай ҳимояланардим? Бу қийин. У жуда ёш йигит, лекин аллақачон тажрибага эга. У Испания билан Европа чемпиони бўлди, ажойиб формада ва "Барселона"да ўзини кўрсатмоқда. Уни ушлаб туриш қийин. Фақатгина майдонда буни қандай қилишни тушуниш мумкин," - дея икки карра жаҳон чемпиони Кафунинг сўзларини келтиради испан ОАВ.