Дунёнинг собиқ биринчи ракеткаси Рафаэль Надаль теннисни соғинмаслиги ҳақида гапирди.
"Тўғриси, мен теннисни соғинмайман. Умуман. Мен уни умуман соғинмайман. Лекин ундан чарчаганим учун эмас, фаолиятимни бахтли якунладим.
Агар имконим бўлса, давом эттирардим, чунки спортни севаман, теннис менинг иштиёқим эди, бутун умрим у билан ўтган.
Сиз жисмонан энди буни қила олмаслигингизни тушунганингизда ... сиз бу бобни ёпишга ҳаракат қиласиз ва мен уни ёпдим. Мен спорт учун боримни бердим, танам эса ортиқ босимга бардош бера олмайди, фаолиятимни хотиржамлик билан якунладим", - дея Надалнинг сўзларини келтиради L'Equipe.
Надаль фаолиятини якунлашини 2024-йилнинг ноябрида эълон қилди. 38 ёшли испаниялик теннисчи “катта дубулға” туркумига кирувчи 22 та турнир ва иккита Олимпиада олтин медалини қўлга киритган.
