Лерой Санени Саудия Арабистони клуби ўз сафида кўрмоқчи.
TZ хабарига кўра, "Бавария" вингерига "Ал-Иттиҳод" қизиқиш билдирмоқда. Аммо ҳозирча Саненинг Саудия Арабистони чемпионатига ўтиши истисно қилинган - футболчи ҳамон "Бавария" билан ёзда тугайдиган шартномасини узайтирмоқчи. Ҳозирча янги келишув ҳали имзоланмаган.
Шунингдек, Санега "Арсенал"дан ҳам қизиқиш борлиги айтилмоқда - шу билан бирга, хавбекнинг Лондонда уй-жойи борлиги, бироқ бу унинг фаолиятини давом эттириши учун муҳим аҳамият касб этмаслиги таъкидланмоқда.
Аввалроқ, "Бавария" Санега шартномани 2028 йилнинг ёзигача узайтиришни таклиф қилгани маълум бўлганди.
Сане жорий мавсум Бундеслигада 26 та ўйинда 9 та гол ва 4 та голли узатмага муаллифлик қилди.
