"Бавария" юқори даражадаги марказий ҳимоячини сотиб олмоқчи.
Журналист Флориан Плеттенберг хабар беришича, узоқ вақтдан бери бундай режалари йўқ бўлган немис клуби эндиликда фаол равишда марказий ҳимоячи изламоқда.
Чемпионлар лигасидан чиқиб кетганидан сўнг, клуб ҳимояда ўзгаришлар зарурлигини тушунди. Шу муносабат билан мюнхенликлар ҳозир трансфер бозорини ўрганишмоқда.
Айни дамда Дайот Упамекано билан шартномани узайтириш бўйича музокаралар унинг юқори талаблари туфайли боши берк кўчада.
Ким Мин Чже яхшироқ таклиф тушса, кетишга рози бўлиши мумкин.
