Леверкузеннинг "Байер" клуби бош мураббийи Хаби Алонсо Мадриднинг "Реал" клубида ишлашга тайёргарлик кўрмоқда.
Гап шундаки, испаниялик мутахассис яқинлашиб келаётган ёзда "қаймоқранглилар" бошқарувида Карло Анчелотти ўрнини эгаллайди. Transfer News Live'йнинг Fichajes нашрига таяниб хабар беришича, Алонсо "Реал"дан марказий ҳимоячи, чап қанот ҳимоячиси ва марказий ярим ҳимоячи сифатида янги ўйинчиларни сўрайди.
Аввалроқ, Хаби Алонсонинг тайинланиши "қироллик клуби"га 8 млн еврога тушиши хабар қилинганди. Мутахассиснинг "Байер" билан шартномаси келаси йилнинг ярмигача мўлжалланган.
