"Манчестер Юнайтед"нинг собиқ футболчиси Райан Гиггз ўз интервьюсида Криштиану Роналду клубдаги илк йили қандай қийинчиликларга дуч келганини ёдга олди.

— Мен у билан гаплашганман, у ҳар доим сенга қараб, сен нима қилаётганингга эътибор берган. Сиз бу ҳақда у билан гаплашганмисиз?

— Илк йилда унга жуда оғир бўлган. Айниқса машғулотларда. Агар у тўп билан ортиқча ҳаракат қилса, у тезда оёғидан зарба қабул қиларди. Мураббий эса бундай ҳолатни фол деб ҳисобламасди.

— Мураббий сизга ва Скоулзга: “У тўп билан кўп ўйнаса, ундан бу одатни чиқаринглар,” деганми ёки у шунчаки Роналду эркин шароитда нима кераклигини ўзи англаб етсин деганми?

— Менимча, бундай кўрсатма бериш шарт ҳам эмасди. Биз аллақачон шундай қилардик, — деди Гиггз Рио Фердинандга берган интервьюсида.