"Manchester Yunayted"ning sobiq futbolchisi Rayan Giggz o‘z intervyusida Krishtianu Ronaldu klubdagi ilk yili qanday qiyinchiliklarga duch kelganini yodga oldi.

— Men u bilan gaplashganman, u har doim senga qarab, sen nima qilayotganingga e’tibor bergan. Siz bu haqda u bilan gaplashganmisiz?

— Ilk yilda unga juda og‘ir bo‘lgan. Ayniqsa mashg‘ulotlarda. Agar u to‘p bilan ortiqcha harakat qilsa, u tezda oyog‘idan zarba qabul qilardi. Murabbiy esa bunday holatni fol deb hisoblamasdi.

— Murabbiy sizga va Skoulzga: “U to‘p bilan ko‘p o‘ynasa, undan bu odatni chiqaringlar,” deganmi yoki u shunchaki Ronaldu erkin sharoitda nima kerakligini o‘zi anglab yetsin deganmi?

— Menimcha, bunday ko‘rsatma berish shart ham emasdi. Biz allaqachon shunday qilardik, — dedi Giggz Rio Ferdinandga bergan intervyusida.