Жоан Лапорта Испания кубоги финалидаги класико олдидан "Барселона"ни қўллаб-қувватлашга чақирди.
Каталония клуби шанба куни кубок финалида Мадриднинг "Реал" клуби билан ўйнайди. Ўйин Севильяда бўлиб ўтади ва Тошкент вақти билан 01:00 да бошланади.
"Барса"нинг барча мухлисларига оқ йўл тилайман. Эҳтиёт бўлинг.
Биз сизни шу ерда, Севильяда кутамиз, чунки бирга бўлсак кучга эгамиз. Футболчиларимиз ва мураббийлар штабини қўллаб-қувватлайлик, улар бунга лойиқ.
Уларнинг истеъдоди кўп, ўз кучларига ишонишади. Улар бизга қувонч бағишламоқчи. Яшасин "Барса!" - деди Каталония клуби президенти.
