Карло Анчелотти тез орада "Реал"ни Бразилия терма жамоасига алмаштиради. TodoFichajes порталининг Бразилия ОАВларига таяниб хабар беришича, Анчелоттининг жамоани ўзгартириши ҳақидаги қарор аллақачон қабул қилинган ва мавсумнинг сўнгги қисми натижаси ҳеч нарсага таъсир қилмайди. Италиялик мураббий июнь ойидаги йиғиндаёқ "селесао"ни бошқариши кутилмоқда.

Бразилия футбол конфедерацияси Анчелоттини таклиф қилиш учун пул сарфлашга тайёр - италияликнинг Бразилия терма жамоаси бош мураббийи лавозимидаги йиллик маоши 11 миллион еврони ташкил этиши мумкин.

"Реал" шанба куни Испания кубоги финалида "Барселона"га қарши баҳс олиб боради.