"Бавария" ҳужумчиси Харри Кейн Бундеслига 31-туридан ўрин олган "Майнц"га (3:0) қарши ўйинда сариқ карточка олди.
Энди ҳужумчининг ҳисобида Бундеслиганинг бу мавсумида бешта сариқ карточка бор. Шу тариқа Кейн 3 май куни бўлиб ўтадиган "РБ Лейпциг"га қарши навбатдаги тур ўйинини ўтказиб юборади.
31 ўйиндан сўнг мюнхенликлар 75 очко жамғариб, Германия чемпионати турнир жадвалида пешқадамлик қилмоқда. Эътиборлиси, айнан "Лейпциг" билан ўйинда мюнхенликлар муддатидан аввал чемпионликни нақд қилиб қўйиши мумкин.
Жорий мавсумда 31 ёшли инглиз барча мусобақаларда 44 та ўйинда майдонга тушиб, 36 та гол урди ва 12 та голли узатмани амалга оширди.
