"Манчестер Сити" ҳужумчиси Эрлинг Холанд ва жамоа ярим ҳимоячиси Родри Эрнандес жароҳатидан сўнг машғулотларга киришди. Тармоқда футболчиларнинг майдонда жамоа билан тушган суратлари эълон қилинди.
Эслатиб ўтамиз, испаниялик хавбек тиззасининг хочсимон пайлари шикастлангани сабабли узоқ вақт майдонга туша олмаган эди. Скандинавиялик марказий ҳужумчи, ўз навбатида, тўпиғидан олган жароҳати туфайли сўнгги бир ой давомида лазаретда бўлган.
Хосеп Гвардиола шогирдлари Англия кубоги ярим финалида "Ноттингем Форест"га қарши баҳс олиб боради. Учрашув бугун 27 апрель куни бўлиб ўтади.
