"Manchester Siti" hujumchisi Erling Xoland va jamoa yarim himoyachisi Rodri Ernandes jarohatidan so‘ng mashg‘ulotlarga kirishdi. Tarmoqda futbolchilarning maydonda jamoa bilan tushgan suratlari e’lon qilindi.

Eslatib o‘tamiz, ispaniyalik xavbek tizzasining xochsimon paylari shikastlangani sababli uzoq vaqt maydonga tusha olmagan edi. Skandinaviyalik markaziy hujumchi, o‘z navbatida, to‘pig‘idan olgan jarohati tufayli so‘nggi bir oy davomida lazaretda bo‘lgan.

Xosep Gvardiola shogirdlari Angliya kubogi yarim finalida "Nottingem Forest"ga qarshi bahs olib boradi. Uchrashuv bugun 27 aprel kuni bo‘lib o‘tadi.