Мадриднинг "Реал" клуби марказий ҳимоячиси Антонио Рюдигер тез орада жарроҳлик амалиётини ўтказишга қарор қилиши мумкин.
Германиялик футболчи Испания кубоги финалида "Барселона"га қарши кечган сўнгги ўйинда захирага олинганидан сўнг қизил карточка билан жазоланганди. Ўзининг хатти-ҳаракатлари учун Рюдигер тўртта ўйиндан 12 тагача дисквалификация қилиниши мумкин, бу ҳақда аввалроқ хабар берилган эди. Marca маълумотига кўра, 32 ёшли футболчи узоқ вақт мажбуран сафдан чиққани сабабли тиззасини операция қилдириш ҳақида ўйламоқда. Шу тариқа, марказий ҳимоячи узоқ йиллик муаммони ҳал қилади ва бир вақтнинг ўзида кейинги мавсумга қадар ўз формасини тиклаб олишга улгуради.
Антонио Рюдигер жорий мавсум "Реал" сафида 49 та ўйинда майдонга тушди ва 3 та гол ҳамда 1 та голли узатмага муаллифлик қилди.













