Madridning "Real" klubi markaziy himoyachisi Antonio Ryudiger tez orada jarrohlik amaliyotini o‘tkazishga qaror qilishi mumkin.
Germaniyalik futbolchi Ispaniya kubogi finalida "Barselona"ga qarshi kechgan so‘nggi o‘yinda zaxiraga olinganidan so‘ng qizil kartochka bilan jazolangandi. O‘zining xatti-harakatlari uchun Ryudiger to‘rtta o‘yindan 12 tagacha diskvalifikasiya qilinishi mumkin, bu haqda avvalroq xabar berilgan edi. Marca ma’lumotiga ko‘ra, 32 yoshli futbolchi uzoq vaqt majburan safdan chiqqani sababli tizzasini operasiya qildirish haqida o‘ylamoqda. Shu tariqa, markaziy himoyachi uzoq yillik muammoni hal qiladi va bir vaqtning o‘zida keyingi mavsumga qadar o‘z formasini tiklab olishga ulguradi.
Antonio Ryudiger joriy mavsum "Real" safida 49 ta o‘yinda maydonga tushdi va 3 ta gol hamda 1 ta golli uzatmaga mualliflik qildi.













