Ҳужумчи Ламин Ямал "Барселона"нинг асосий жамоасида дебют қилганига роппа-роса икки йил бўлди.
Қанот ҳужумчиси илк бор 2023-йилнинг 29-апрелида Испания чемпионатининг 32-туридан ўрин олган “Бетис”га қарши ўйинда (4:0) учрашув якунида етти дақиқа ҳаракат қилиб, асосий жамоа либосида майдонга тушган.
Ўшандан бери Ямал барча турнирларда 99 та ўйин ўтказиб, 21 та гол урди ва 27 та голли узатмани амалга оширди.
17 ёшли Ямал аллақачон Ла Лига, Кубок ва Испания Суперкубоги совринларига эга. Бундан ташқари, 2024 йилнинг ёзида футболчи Испания терма жамоаси билан биргаликда Европа чемпионати ғолибига айланганди.
