"Монако" футболчиси Элисс Бен-Сегир Англия Премьер-лигаси грандларининг трансфер мақсадига айланди.

20 ёшли вингер учун "Ливерпуль" ва "Манчестер Сити" клублари тўқнаш келади, деб хабар беради L’Equipe. "Монако" истиқболли марокашлик футболчини сотиш орқали 30 млн евро ишлаб олмоқчи. Transfermarkt портали вингерни худди шу суммага баҳоламоқда.

Элисс Бен-Сегир монегасклар сафида жорий мавсум 43 та ўйинда 9 та гол ва 4 та голли узатмага муаллифлик қилди. Футболчининг амалдаги меҳнат шартномаси 2027 йилнинг ярмигача мўлжалланган. Марокаш терма жамоаси сафида футболчи 10 та ўйинда майдонга тушиб, 3 та гол ва 2 та голли узатмага муаллифлик қилган.