"Байер" марказий ҳимоячиси Жонатан Та ҳали "Бавария"га ҳам, "Барселона"га ҳам ўтиши мумкин.

29 ёшли футболчи мавсум якунлангач, "доришунослар" сафини эркин агент сифатида тарк этади, аммо фаолиятини қайси клубда давом эттириши борасида ҳали бир қарорга келгани йўқ. Инсайдер Фабрицио Романонинг ёзишича, миш-мишларга қарамай, Та "Барселона" билан ҳеч қандай келишувга эришмаган, аммо Каталония гранди немис учун баҳсдан чиқмаган. "Бавария" ҳам футболчига қизиқишда давом этмоқда ва вазиятни диққат билан кузатиб бормоқда. Жонатан Та "Байер" сафида 2015 йилдан буён тўп тепиб келмоқда.

Жорий мавсумда марказий ҳимоячи леверкузенликлар сафида 46 та ўйинда майдонга тушиб, 3 та гол ва 1 та голли узатма муаллифи бўлди.