"ПСЖ"нинг бразилиялик ҳимоячиси Маркиньос ёзги мавсумлар оралиғида клубни тарк этиши мумкин.
L'Equipe нашри тарқатган хабарга кўра француз гранди мавсум якунида 30 ёшли футболчини сотиб юбориш имкониятини кўриб чиқмоқда. Қайд этилишича, футболчига Саудия Арабистони клублари қизиқиш билдирмоқда. Манбага кўра, "ПСЖ" бундан кейин ҳам жамоа таркибини Луис Энрикега мослаштиришни режалаштирмоқда.
Жорий мавсумда бразилиялик футболчи "ПСЖ" сафида 38 та ўйинда майдонга тушди ва 2 та гол урди. Футболчининг француз клуби билан меҳнат шартномаси 2028 йилнинг июнигача амал қилади ва унинг трансфер нархи 40 миллион еврога баҳоланмоқда.
