Мадриднинг "Реал" клуби бош мураббийи Карло Анчелотти жамоани тарк этиши ҳақидаги миш-мишларга қарамай, "Қироллик клуби"да қолиш ниятида.

COPE нашри маълумотларига кўра, италиялик мураббийнинг устувор йўналишлари қуйидагилар: "Реал Мадрид", Бразилия терма жамоаси, "Ал-Ҳилол".

Аввалроқ ОАВда Карло Анчелотти "Реал"ни тарк этиши, унинг жамоа бошқарувидаги ўрнини "Байер" устози Хаби Алонсо эгаллаши ҳақида хабарлар тарқалган эди. Бразилия терма жамоаси Анчелотти хизматларига қизиқиш билдирган, бироқ Саудия Арабистонининг "Ал-Ҳилол" клуби мутахассисга қизиқиш билдирганидан сўнг, илғор музокаралар муваффақиятсизликка учраган.

Шунингдек, Карло Анчелотти "Реал Мадрид" бош мураббийлигидан кетиши, аммо клубда бошқа лавозимда қолиши мумкинлиги ҳам хабар қилинган.