Италия терма жамоасининг собиқ ҳужумчиси Антонио Кассано "Барселона" - "Интер" учрашувида қайд этилган (3:3) натижа ҳақида фикр билдирди.
Жамоалар 30 апрель куни Чемпионлар лигасининг биринчи ярим финал учрашувида ўзаро тўқнаш келишди.
"Қандай ўйин! Ажойиб, ажойиб. Турнирдаги энг чиройлиси. Ҳақиқий, шиддатли, юқори савиядаги синов", - деди Кассано Viva El Futbol подкастида.
Шу билан бирга Кассано "нерадзуррилар"нинг ўйинидан норози бўлди.
"Интер"дек кучли жамоа бундай ўйнамайди. Бу қийин ўйин бўлди, лекин жуда ҳимоявий ўйин бўлди. "Интер" кучли ярим ҳимояга эга, аммо "Барселона" ғоялари, сифати ва тезлиги бўйича улардан ўзиб кетди. Бастони ва Барелла ажойиб ўйинчилар, лекин кеча биз уларнинг чекловларини кўрдик" - деди Кассано.
"Интер" ва "Барселона" ўртасидаги жавоб учрашуви 8 май куни бўлиб ўтади.
