Германиянинг "Штутгарт" клуби ярим ҳимоячиси Анжело Штиллер Германия чемпионатини Англия Премьер-лигасига ўзгартириши мумкин. Бу ҳақда Fichajes журналистлари хабар бермоқда.
Манбага кўра, 24 ёшли германиялик хавбек хизматига "Ливерпуль" қизиқиш билдирмоқда. Штиллернинг имзоланиши ташаббускори Мерсисайд жамоаси бош мураббийи Арне Слот ҳисобланади.
Анжелонинг бозор нархи 38 миллион еврони ташкил этади. Ярим ҳимоячининг "шваблар" билан амалдаги шартномаси 2028 йилнинг июнь ойи охирида якунланади.
Бундеслиганинг жорий мавсумида Штиллер 30 та баҳсда майдонга тушиб, 1 та гол ва 8 та голли узатмага муаллифлик қилди.
