"Челси" ҳужумчиси Кристоф Нкунку ёзги трансфер ойнасида клубини ўзгартириши мумкин. Бу ҳақда Teamtalk хабар бермоқда.

Манбага кўра, 27 ёшли франциялик форвардга Англиянинг бошқа бир клуби "Ливерпуль" қизиқмоқда. Шартнома ёзги трансфер ойнасида якунланиши мумкин.

Нкункунинг бозор қиймати 45 миллион еврога баҳоланмоқда. У 2029 йил июн ойи охиригача “пенсионерлар” билан тузилган шартнома мажбуриятлари билан боғланган.

Нкунку Премьер-лиганинг жорий мавсумида 27 та ўйин ўтказди. Ҳужумчи учта гол урди ва иккита голли узатмани амалга оширди.