"Манчестер Юнайтед" хўжайини Жим Рэтклифф "Ницца"ни сотиб юбориши мумкин.
The Athletic хабарига кўра, Рэтклиффнинг Ineos компанияси француз клубини сотиш имкониятини ўрганмоқда. Нью-Йоркдаги "Lazard" инвестиция банкига клубни сотиш учун харидор топиш вазифаси қўйилди. Клуб эгалари кутаётган нарх 250 миллион евро.
Қайд этилишича, эҳтимолий сотув Лига 1 ўйинларини трансляция қилиш бўйича битим атрофидаги ноаниқлик туфайли мураккаблашмоқда. Айни пайтда Лига 1 жамоалари медиа даромадларини ўз бюджет прогнозларига кирита олмайди.
Ineos 2019 йилда "Ницца"ни 100 млн еврога сотиб олганди. Ҳисоботга кўра, компания акцияларга 216 млн евро сармоя киритган, улар бериши мумкин бўлган бошқа қарзлар бундан мустасно.
Бироқ, клуб эгалари компаниянинг кўп клубли моделида ўзларини иккинчи даражали деб ҳисоблаган француз мухлислари орасида машҳур эмас эди. Айни пайтда "Ницца" Лига 1да 6-ўринни эгаллаб турибди.
