Сўнгги пайтларда Стефано Пиоли кетганидан сўнг узоқ муддатли мураббий топа олмаётган "Милан"га Сеск Фабрегас янги бош мураббий бўлиши ҳақида миш-мишлар тарқалди.
Журналистлар "Комо" клуби билан ишончли қадамлар ташлаётган испаниялик мутахассисдан бундай сценарийларнинг истиқболи ҳақида сўрашди.
"Янги нарса йўқ. Мен умуман ҳеч нарса дея олмайман, чунки ҳеч нарса йўқ. Сиз бу ҳақда мендан кўра кўпроқ билсангиз керак. Шунчаки шуни қўшимча қилмоқчиманки, мен "Комо"да жуда хурсандман ва миш-мишлар мени қизиқтирмайди", - деди Фабрегас pianetamilan.it билан суҳбатда.
"Милан" ҳозирда турнир жадвалида атиги 9-ўринни эгаллаб турибди.
