Германия терма жамоаси бош мураббийи Юлиан Нагельсманн "Бавария"нинг Бундеслига чемпионлигига муносабат билдирди.
Мюнхенликлар якшанба куни "Байер"нинг "Фрайбург" билан дуранг ўйнаганидан (2:2) сўнг муддатидан олдин олтин медални қўлга киритди.
"Бавария"ни Бундеслигадаги ғалаба билан табриклайман. Винсент Компани Германияда мураббий сифатидаги биринчи чемпионликни қўлга киритгани учун алоҳида табриклайман. Мен "Бавария"даги барча немис футболчилари учун жуда хурсандман, айниқса, кетишдан олдин 13 карра чемпион бўлган Томас Мюллер учун. У афсона бўлиб кетади", - деди Нагельсманн.
