Мадриднинг "Атлетико" клуби "Тоттенхэм" марказий ҳимоячиси Кристиан Ромеро билан келишувга эришди.
"Матрасчилар" жаҳон чемпионини ўз сафига қўшиб олмоқчи экани ҳақида март ойидаёқ маълум бўлганди. Журналист Николо Скиранинг маълум қилишича, клуб аргентиналик футболчи билан ҳамкорлик шартларини келишиб олган: шартнома 2030 йилгача мўлжалланган, унга яна бир йилга автоматик узайтириш имконияти киритилган. Мадридликлар "шпорлар" билан трансфер борасида келишиб олишлари қолди.
"Transfermarkt" портали талқинига кўра, Кристиан Ромеронинг нархи 55 млн еврога тенг. Жорий мавсумда 27 ёшли футболчи лондонликлар сафида барча мусобақаларда 24 та ўйинда майдонга тушиб, биттадан гол ва голли узатмага муаллифлик қилган.
