Марказий ҳимоячи Пьеро Инкапье ва мураббий Хаби Алонсо фаолиятини "Реал"да бирга давом эттириши мумкин.
Испаниялик мутахассис яқинлашиб келаётган ёзда "қаймоқранглилар" бошқарувида Карло Анчелоттининг ўрнини эгаллаши эҳтимоли юқори. Relevo хабарига кўра, Алонсо "Реал" раҳбариятига яқин трансферлар даврида Инкапьени ўз сафига қўшиб олишни тавсия қилган. Амалга оширилиши мумкин бўлган битим қиймати 40 млн еврога баҳоланмоқда.
Пьеро Инкапиэ жорий мавсум "доришунослар" сафида 43 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйишга эришди. 23 ёшли эквадорликнинг "Байер" билан шартномаси 2029 йилнинг ярмигача мўлжалланган.
