Markaziy himoyachi Pyero Inkapye va murabbiy Xabi Alonso faoliyatini "Real"da birga davom ettirishi mumkin.
Ispaniyalik mutaxassis yaqinlashib kelayotgan yozda "qaymoqranglilar" boshqaruvida Karlo Anchelottining o‘rnini egallashi ehtimoli yuqori. Relevo xabariga ko‘ra, Alonso "Real" rahbariyatiga yaqin transferlar davrida Inkapyeni o‘z safiga qo‘shib olishni tavsiya qilgan. Amalga oshirilishi mumkin bo‘lgan bitim qiymati 40 mln yevroga baholanmoqda.
Pyero Inkapie joriy mavsum "dorishunoslar" safida 43 ta o‘yinda maydonga tushdi va o‘z hisobiga 3 ta gol hamda 2 ta golli uzatma yozdirib qo‘yishga erishdi. 23 yoshli ekvadorlikning "Bayer" bilan shartnomasi 2029 yilning yarmigacha mo‘ljallangan.
