"Барселона" ҳамон ҳужум чизиғини кучайтириш ҳақида ўйламоқда.
"Кўк-анорранглилар" анчадан бери "Милан" вингери Рафаэль Леау ва "Атлетик" Бильбаодан Нико Уильямсга қизиқиш билдирмоқда. Diario Sport хабарига кўра, Каталония гранди раҳбарияти португалияликни сотиб олиш вариантини маъқул кўрмоқда. "Барселона" президенти Жоан Лапорта Ханс-Дитер Флик жамоасида Леау "Милан"га қараганда анча сермаҳсулроқ бўларди, деб ҳисобламоқда.
Transfermarkt талқинига кўра, Рафаэль Леаунинг нархи 75 млн еврога тенг. Жорий мавсумда 25 ёшли футболчи "россонерилар" сафида 47 та ўйинда 11 та гол ва 12 та голли узатмани ўз ҳисобига ёздириб қўйди.
