Трент Александр-Арнольд яқин келажакда "Реал" футболчисига айланиши кутилмоқда. Душанба куни 26 ёшли ўнг қанот ҳимоячиси "Ливерпуль"ни тарк этишга қарор қилганини эълон қилди.
Marca хабарига кўра, "Реал" Трентга 20 миллион евро миқдорида имзо бонусини тўлаши мумкин. Футболчи клубга эркин агент мақомида ўтадиган вазиятлар учун бу нормал ҳолат.
Шу билан бирга, "Реал" клублар ўртасидаги жаҳон чемпионати олдидан Трентни қўлга киритиш учун "Ливерпуль"га ярим миллион евро тўлаши мумкинлиги айтилмоқда.
Трент Александр-Арнольд "Ливерпуль" тарбияланувчиси ҳисобланади.













