Донецкнинг "Шахтёр" ва Махачқалъанинг "Анжи" клублари собиқ вингери Виллиан АПЛ рекордини ўрнатди. EuroFoot нашри тарқатган хабарга кўра "Фулхэм"нинг 36 ёшли футболчиси Англия майдонларида 326 та ўйинда майдонга тушган. Бу АПЛ тарихидаги барча жанубий америкалик футболчилар орасида энг юқори кўрсаткичдир.
Бразилиялик футболчи "Челси" сафида 234 та, "Фулхэм"да 67 та, "Арсенал"да 25 та ўйин ўтказган. Виллиан ўтган ҳафта охирида, 3 май куни Бирмингемнинг "Астон Вилла" клубига қарши ўйинда рекордчига айланди.
Эслатиб ўтамиз, Виллианнинг "Фулхэм" билан амалдаги шартномаси келаси йилнинг ёзи ўрталарига қадар мўлжалланган. У лондонликлар сафида 2025 йил февралидан буён тўп тепиб келмоқда. У 2022-2024 йилларда ҳам ушбу клуб шарафини ҳимоя қилган.
