«Барселона» ҳужумчи Маркус Рэшфордни ўз таркибига қўшиб олиш режасидан ҳали ҳам воз кечмаган.
Айни пайтда англиялик футболчи «Манчестер Юнайтед»дан ижара асосида «Астон Вилла»да тўп тепмоқда. Рэшфорд ўз агенти Пини Захави билан биргаликда каталонияликлар сафига ўтиш устида иш олиб бормоқда.
Томонлар футболчининг шахсий шартлари бўйича музокараларни бошлаб юборишган. Маркуснинг ўзи «Барселона»да ўйнаш истагини билдирган.
Шу билан бирга, «Астон Вилла» мавсум якунлангач, уни жамоада қолдириш ниятида эмас. «Манчестер Юнайтед» эса ҳужумчи учун камида 35 миллион евро олмоқчи.
