Чемпионлар Лигаси ярим финали жавоб учрашувида “Интер” ва “Барселона” ўртасидаги баҳсда, биринчи тайм охирида Хакан Чалханўғли пенальтидан гол урди. Польшалик бош ҳакам Шимон Марчиньяк аввал тўпга ўйин деб ҳисоблаган, аммо VAR маслаҳати орқали эпизодни қайта кўриб чиқиб, 11 метрлик жарима зарбасини тайинлади.
Машҳур мураббий Арсен Венгер эса ушбу қарор билан кескин норози эканини билдирди.
“Мен бунақа пенальтиларга мутлақо қарши бўлганман ва шундай бўлиб қоламан. Қайта кўриш учун секинлаштирилган видеолавҳалардан фойдаланишга ҳам қаршиман. Бу эпизодни одатий тезликда кўрсак, Кубарси ажойиб "подкат" ташлаганини кўрамиз. У биринчи бўлиб тўпга етган — мен учун энг муҳим жиҳат шу. Контакт бор-йўқлиги муҳим эмас”, — деди Венгер beIN Sports эфирида.
