Испаниянинг “Сельта” жамоаси ҳимоячиси Оскар Мингеса Англия Премьер-лигасига кўчиб ўтиши мумкин. Бу ҳақда Tribal Football нашри хабар бермоқда.
Манбага кўра, футболчининг хизматига “Астон Вилла” жамоаси жиддий қизиқиш билдирмоқда. Унинг трансфери учун белгиланган товон пули миқдори 20 миллион еврони ташкил этади.
Қайд этиш жоиз, Мингесанинг ҳуқуқларининг 50 фоизи “Барселона” клубига тегишли. У айнан шу жамоа академияси тарбияланувчиси ҳисобланади.
25 ёшли ўнг қанот ҳимоячиси 2022 йил ёзида “Сельта” сафида фаолият бошлаган. Унинг амалдаги шартномаси 2026 йил июнида ўз ниҳоясига етади.













