Германиянинг "РБ Лейпциг" клуби ҳужумчиси Бенжамин Шешко унинг ўйинига хориж жамоалари томонидан қизиқиш ортиб бораётгани ҳақида фикр билдирди.
"Ҳозир 100 фоиз бор эътиборимни "РБ Лейпциг"га қаратганман. Кейин нима бўлишини кўрамиз. Ҳаммаси очиқ, ҳамма нарса бўлиши мумкин", - дея унинг сўзларини келтиради Sky Sport Germany.
Жорий мавсумда 21 ёшли словениялик барча турнирларда 43 та учрашувда иштирок этиб, 21 та гол урди ва 6 та голли узатмани амалга оширди.













