"Манчестер Сити" ярим ҳимоячиси Кевин де Брюйне асосий рақобатчилардан бири - "Ливерпуль"дан таклиф олди.
Бельгиялик футболчи мавсум якунида "шаҳарликлар" билан хайрлашади. "Манчестер Сити" футболчининг шартномасини узайтирмасликка қарор қилди, шунинг учун у ёзда янги клубига эркин агент сифатида ўтиши мумкин. Журналист Жанлука ди Марционинг маълум қилишича, де Брюйнега "Ливерпуль"дан таклиф бор. Шунингдек, 33 ёшли хавбекка "Наполи"дан ҳам қизиқиш борлиги айтилмоқда.
Кевин де Брюйне "Манчестер Сити" сафида 2015 йилдан буён тўп тепиб келмоқда. У жорий мавсумда Хосеп Гвардиола жамоаси сафида 36 та ўйинда 6 та гол ва 8 та самарали пас муаллифи бўлди.













