"Manchester Siti" yarim himoyachisi Kevin de Bryuyne asosiy raqobatchilardan biri - "Liverpul"dan taklif oldi.
Belgiyalik futbolchi mavsum yakunida "shaharliklar" bilan xayrlashadi. "Manchester Siti" futbolchining shartnomasini uzaytirmaslikka qaror qildi, shuning uchun u yozda yangi klubiga erkin agent sifatida o‘tishi mumkin. Jurnalist Janluka di Marsioning ma’lum qilishicha, de Bryuynega "Liverpul"dan taklif bor. Shuningdek, 33 yoshli xavbekka "Napoli"dan ham qiziqish borligi aytilmoqda.
Kevin de Bryuyne "Manchester Siti" safida 2015 yildan buyon to‘p tepib kelmoqda. U joriy mavsumda Xosep Gvardiola jamoasi safida 36 ta o‘yinda 6 ta gol va 8 ta samarali pas muallifi bo‘ldi.













