Fichajes хабарига кўра, "Челси" "Милан" юлдузи Рафаэль Леау билан норасмий алоқаларни йўлга қўйиб, кейинги ёзги трансфер ойнасида унинг трансферини ўрганиб чиқди.
Унинг бу мавсумдаги ўйинлари концентрациядаги сустлик учун танқидларга сабаб бўлган бўлса-да, Леаунинг истеъдодини инкор этиб бўлмайди.
Футболчидан "Милан"ни тарк этиш истаги ҳақида аниқ сигналлар бўлмаган. Бироқ, клуб атрофидаги ноаниқлик, хусусан, спорт директорининг ўзгариши вазиятни ўзгартиради.
Ушбу мавсумда португалиялик “Милан” сафида барча турнирларда 48 та ўйинда майдонга тушиб, 12 та гол ва 13 та голли узатмага муаллифлик қилган.
