"Айнтрахт" ҳужумчиси Юго Экитикени ёзги трансферлар даврида сотиб юборишади, дея хабар бермоқда инсайдер Фабрицио Романо.
Манбага кўра, бир неча топ-клублар ҳужумчи билан алоқага чиққан.
Экитике жамоанинг Чемпионлар лигасига чиқишига ёрдам бермоқчи, кейин эса ўз келажагига эътибор қаратмоқчи.
Финишга 2 тур қолганида "Айнтрахт" Бундеслига турнир жадвалида 3-ўринда бормоқда.
Ўтган ёзда "Айнтрахт" ҳужумчини сотиб олиш имкониятидан фойдаланиб, унинг учун "ПСЖ"га 16,5 миллион евро тўлаган эди. Жорий мавсумда Экитике 46 та ўйинда 22 та гол урди ва 11 та голли узатмани амалга оширди.
