"Ayntraxt" hujumchisi Yugo Ekitikeni yozgi transferlar davrida sotib yuborishadi, deya xabar bermoqda insayder Fabrisio Romano.

Manbaga ko‘ra, bir necha top-klublar hujumchi bilan aloqaga chiqqan.

Ekitike jamoaning Chempionlar ligasiga chiqishiga yordam bermoqchi, keyin esa o‘z kelajagiga e’tibor qaratmoqchi.

Finishga 2 tur qolganida "Ayntraxt" Bundesliga turnir jadvalida 3-o‘rinda bormoqda.

O‘tgan yozda "Ayntraxt" hujumchini sotib olish imkoniyatidan foydalanib, uning uchun "PSJ"ga 16,5 million yevro to‘lagan edi. Joriy mavsumda Ekitike 46 ta o‘yinda 22 ta gol urdi va 11 ta golli uzatmani amalga oshirdi.