Лиссабоннинг "Спортинг" клуби ҳужумчиси Виктор Дьёкереш Испания чемпионатига кўчиб ўтиши мумкин. Бу ҳақда Mundo Deportivo журналистлари хабар бермоқда.
Швециялик голеадорни Мадриднинг "Атлетико" клуби ўз сафига қўшиб олмоқчи. Nike "матрасчилар"га трансферда ёрдам бериши мумкин. Америкалик ишлаб чиқарувчи Дьёкерешнинг бошқа фирма либосида ўйнашини хоҳламайди.
Скандинавиялик футболчининг Испания топ-клубига эҳтимолий трансфери 70 миллион евродан 100 миллион еврогача бўлиши мумкин.
Жорий мавсумда Дьёкереш Португалия чемпионатида 31 та учрашув ўтказди. Ҳужумчи ўз ҳисобига 38 та гол ва олтита голли узатмани ёздириб қўйди.
