Диего Алвес Карло Анчелоттининг Бразилия терма жамоасига ёрдам бера олишига ишонмоқда.

Аввалроқ, мураббий тез орада "Реал"дан кетишини эълон қилиши ва Бразилия футбол конфедерацияси билан шартнома имзолаши ҳақида хабар берилганди.

"У терма жамоа учун жуда кучли номзод. Унинг клублардаги фаолияти ақл бовар қилмайдиган даражада. У турли жамоалар билан барчасида ғалаба қозонган, у жуда ҳурматли мураббий, уни Бразилияда кўпчилик юқори баҳолайди.

Мен Бразилияни яна Бразилия бўлишга мажбур қиладиган мураббий келишини истайман. Биз терма жамоани ҳар доим Бразилия ўйнаганидек ўйнашга мажбур қиладиган мураббийни топишимиз керак - сифатли, олдинга интиладиган ва зарар кўришдан қўрқмайдиган..." - деди Бразилия терма жамоасининг собиқ дарвозабони.