Бугунги матбуот анжуманида Чой Канг Хи Эронга қарши ўйин агрессив кайфиятда ўтиши ва шунинг учун жамоанинг марказини кучайтириш ниятида эканини айтиб ўтди.

"Биз ўз майдонимизда ютқазишни мутлақо хоҳламаймиз. Футболчилар ўйинга тайёр. Эртанги ўйиндан умидларим катта. Умуман олганда, шогирдларим руҳий ва жисмоний жиҳатдан ажойиб ҳолатди. Биз ўйиннинг бошиданоқ ташаббусни ўз қўлимизга оламиз", дейди Ж.Корея бош мураббийи.

Эроннинг аҳволи у қадар яхши эмас. Агар улар Кореяга ютқазиб, Ўзбекистон ўз майдонида Қатарни мағлуб этса, Эрон гуруҳни 3-ўринда якунлайди. Агар Ульсандаги ўйин дуранг билан тугасаю, Ўзбекистон Қатарн 4та тўп фарқи билан енгса, Эрон барибир 3-ўринда қолади.

Ўтган йилнинг октябрь ойида Теҳронда бўлиб ўтган ўйинда Эрон Кореяни мағлубиятга учратганди. Ўзаро ўйинлар статистикасида эса форслар 10та ғалаба, 7та дуранг ва 9та мағлубият қайд этишган.

Бир ҳафта давомида бўлиб ўтган "айтишувлар" ҳақидаги саволга Чой қуйидагича жавоб берди: "Мен бу ҳақда бошқа гапиришни истамайман. Биз ҳалол ўйинда иштирок этишимиз керак".