Пол Скоулз Ламин Ямални Лионель Мессига қиёслади.
“Биз кўрганимиздек, Ламин Ямал энг яхшилардан бирига айланиши мумкин, чунки у футболчига керак бўлган ҳамма хислатларга эга. Ўша ажойиб ярим финалда унинг узатмалари ва жамоадошларини кўриши мени ҳайратда қолдирди.
Мен ҳар доим айтганман, Лионель Месси билан яккама-якка бўлганингизда энг катта муаммо шундаки, у тезкор, чапга, ўнгга ёки ўртадан ўта олади ва унга қарши ҳимояланиш деярли имконсиздир.
Месси қисқа масофаларда тезкор эди. Ямал ҳимоячилар ортидан югуриб, тезликни йўқотмаслиги билан ажралиб туради, деярли Килиан Мбаппе каби. Ламин Месси даражасига чиқиши жуда қийин бўлади, лекин у марказда ўйнай олади деб ўйлайман, у ерда Месси ўзининг кўп голларини урган ва кўп узатмаларини амалга оширган", - дея таъкидлади "Манчестер Юнайтед"нинг собиқ ярим ҳимоячиси.
