Пирс Морган Трент Александр-Арнольдга нисбатан ҳуштакбозликка муносабат билдирди.
"Ливерпуль" ҳимоячиси "Арсенал"га қарши ўйиннинг (2:2) 67-дақиқасида захирадан майдонга тушди. Мерсисайдлик мухлислар Трентнинг майдонга тушишига норозилик ва ҳуштакбозлик билан жавоб беришди. Ҳимоячи ёзда клубни текинга тарк этади. Инглиз "Реал" билан шартнома борасида келишиб олгани айтилганди.
"Ливерпуль" мухлислари, Трент Александр-Арнольдга ҳуштак чалаётганлар, сиз шунчаки бечорасиз. Клубнинг энг садоқатли ва узоқ вақт ўйнаган футболчиларидан бири, ҳозиргина чемпион бўлишга ёрдам берган, энди эса ўзини чет элда синаб кўрмоқчи... ва сиз унга ҳуштак чаляпсиз
Ақлингизни ишлатинг, ношукур масхарабозлар," - деб ёзади телебошловчи ва "Арсенал" мухлиси Пирс Морган.
