Маълумотларга қараганда, Карло Анчелотти Бразилия терма жамоасининг янги бош мураббийига айланди.
The Athletic нашри инсайдери Дэвид Орнстейннинг хабар беришича, италиялик мутахассис "пентакампеонлар" билан шартнома имзолади ва 26 май куни жамоа билан иш бошлайди.
65 ёшли Анчелотти Ла Лиганинг сўнгги турида «Реал Сосьедад»га қарши учрашувдан сўнг «Реал Мадрид» клубини тарк этади.
Бразилия футбол конфедерацияси билан барча керакли келишувларга эришилган ва шартнома имзоланган. Карло Бразилия эркаклар терма жамоаси тарихидаги илк чет эллик мураббий бўлади.













