"Марсель" тез орада "Тоттенхэм"дан ижарага олинган Дания терма жамоаси ярим ҳимоячиси Пьер-Эмил Хёйбьергнинг ҳуқуқларини сотиб олади. Бу ҳақда L’Équipe нашри хабар бермоқда.
Ярим ҳимоячи "Марсел"га 2024 йилнинг июль ойида келиб қўшилган ва ижара шартномаси жорий мавсум охиригача амал қилади. "Провансликлар" даниялик футболчини навбатдаги Чемпионлар лигаси учун ўз таркибида сақлаб қолади. Қайд этилишича, Хёйбьергнинг шартномасида кўрсатилган сотиб олиш опцияси аллақачон фаоллаштирилган ва Лондон клуби бу трансфердан 13 миллион евро ишлаб олади.
Жорий Лига 1 мусобақаси якунланишига бир тур қолганида "Марсель" 62 очко билан турнир жадвалида иккинчи ўринда бормоқда.
