"Ювентус" ҳуқуқлари "Челси"га тегишли бўлган ҳимоячи Ренату Вейгани сотиб олмоқчи. Португалиялик футболчи январь ойида "кекса синьора" сафига мавсум охиригача ижара асосида ўтганди.

Журналист Николо Скиранинг хабар беришича, "Ювентус" 21 ёшли футболчини сотиб олиш учун "Челси" билан музокараларни бошлаган. Томонлар ҳозирча трансфер нархи борасида келишиб олмаган.

Ренату Вейга туринликлар сафида 13 та ўйин ўтказиб, битта голли узатмани амалга оширди. Transfermarkt портали марказ ва чап қанотда ўйнай оладиган серқирра ҳимоячининг нархини 18 миллион еврога баҳоламоқда.